Як да вайны Чарнігаў стаў адным з найлепшых гарадоў Украіны і абышоў шматлікія гарады Беларусі

| Гісторыя

Да расейскага ўварвання Чарнігаў быў вядомы беларусам, як месца аднадзённага шопінгу, дзе можна закупіцца цукеркамі і гарэлкай. У 2020–2022 гадах горад для беларусаў быў фактычна закрыты (фармальна з-за антыковідных абмежаванняў). У гэты ж час былы горад-пабрацім моцна змяніўся, а па сваім добраўпарадкаванні абышоў шматлікія гарады Беларусі. 

Рэдакцыя Флагштока ў 2020–2021 гадах знаходзілася ў Чарнігаве і назірала за росквітам гораду. 



Калі ў Беларусі кіраўнікі гарадоў прызначаюцца асабіста Лукашэнкам, то мэры ўкраінскіх гарадоў абіраюцца самімі гараджанамі на выбарах. Такім чынам раз на 5 год гараджане могуць пераабраць ці замяніць старога гарадскога кіраўніка. 

Яшчэ адным фактарам пераменаў у Чарнігаве стала дэцэнтралізацыя падатковых збораў 2016 году ва Ўкраіне. Чарнігаву гэтыя змены пайшлі на карысць — гарадскі бюджэт павялічыўся. 

За апошнія гады ў Чарнігаве атрымалася рэканструяваць значную частку гарадскіх вуліц і тратуараў, прыбраць сотні кіёскаў, замяніць прыпыначныя навесы, добраўпарадкаваць ці зрабіць наноў новыя месцы рэкрэацыі. Перад вайной горад стаў прывабным не толькі для сваіх жыхароў, але і для замежных турыстаў.



Новыя навесы на прыпынках еўрапейскага тыпу. Іх у горадзе болей за сотню. Хтосьці з чарнігаўцаў іх крытыкаваў, кажучы, што яны кепска абараняюць ад ападкаў і сонца. Але на практыцы да новаўвядзення яны паставіліся вельмі акуратна — ніводнага аб'яўлення на шкляных сценах навесу знайсці было немагчыма



На такіх прыпынках усталёўваліся электронныя анлайн табло раскладу гарадскога транспарту — недасяжная тэхналогія для Гомеля



Раней чарнігаўскі гарадскі транспарт быў прадстаўлены толькі тралейбусам. Зараз канкурэнцыю яму складаюць статкі маршрутак



На галоўных вуліца Чарнігава з'явіліся сучасныя пешаходныя пераходы, зробленыя ў адным узроўні з тратуарам 



У Чарнігава ёсць модныя люкі з гістарычным гербам гораду. У Беларусі сродкі на стварэнне фірмовай камунальнай атрыбутыкі вылучаць не прынята



У адпаведнасці з прынятымі стандартамі на рэканструяваных вуліцах з'явіліся роварныя поласы, выкладзеныя з пліткі



Але гараджане кажуць, што імі не заўсёды зручна карыстацца



Сучасныя формы добраўпарадкавання з'яўляюцца на любым вольным месцы і не толькі ў цэнтры Чарнігава



Тут жа была арганізавана зона адпачынку наўпрост на асфальтавым тратуары з дапамогаю лавак і клумб



А пляцоўка з трамплінамі была абсталявана наўпрост на цэнтральным бульвары



Яшчэ адно дасягнення Чарнігава — горад цалкам адмовіўся ад савецкай традыцыі фарбаваць дрэвы вапнай



І нічога кепскага не адбылося, горад зэканоміў сродкі і стаў больш эстэтычным


Яшчэ адна асаблівасць Чарнігава — зеляніна на вуліцах. У адрозненні ад Гомеля, дзе камунальнікі штогод памяншаюць колькасць вулічнай зеляніны, чарнігаўскія вуліцы пераважна зялёныя



На вуліцах, дзе старыя дрэвы выдаляюцца, камунальнікі высаджваюць дрэўцы з сфармаванай кронай 



Чарнігаўскія ўлады пасля рэвалюцыі 2014 году правялі дэкамунізацыю: акрамя зносу камуністычных помнікаў, былі перайменаваныя ідэалагізаваныя назвы вуліц. У выніку шматлікім вуліцам Чарнігава былі вернутыя старыя назвы. Да гэтай справы быў распрацаваны адзіны дызайн вулічных шыльдаў



Драўлянай архітэктурай гораду займаюцца валанцёры. Яны аднаўляюць дэкор і афарбоўваюць штогод па некалькі дамоў



Да вайны Чарнігаў стаў моцным цэнтрам прыцягнення турыстаў



У выніку чаго колькасць разнастайных кавярняў у Чарнігаве неверагодная



Для турыстаў былі распрацаваны турыстычны брэнд і навігацыя па чарнігаўскіх цікавостках



Гэты стэнд паказвае, як раней выглядала царква



Падчас рэканструкцыі галоўнай плошчы Чарнігава актывісты змаглі захаваць адметнае пакрыццё з чырвонай цэглы — яно засталося ў цэнтры



Ёсць у Чарнігаве і сучасная архітэктура. На фота бачны бізнэс-цэнтр



На гэтым — адміністрацыйны будынак мясцовага касцёлу


У горадзе няма манаполіі мясцовага домабудаўнічага камбіната, у выніку жылыя дамы будуюць розныя кампаніі-забудоўшчыкі


Гэта дазваляе рабіць гарадскую забудову больш разнастайнай і акуратна ўпісваць жылыя дамы ў гарадское асяроддзе



Палітычная агітацыя да вайны ў Чарнігаве нічым не абмяжоўвалася: можна было агітаваць за каго заўгодна і як хочаш

 


На галоўнай плошчы супраць мясцовага гарвыканкаму можна было пабачыць нават бігборд, адрасаваны мясцовым уладам



Акцыю пратэсту гарадскіх актывістаў можна было пабачыць нават на паседжанні дэпутатаў гарадской рады. Дэпутаты і мэр, якія прайшлі праз дэмакратычныя выбары, да крытыкі ставяцца спакойна  



Байки от прокуратуры: немцы десантировали диверсантов-смертников после освобождения Гомеля, чтобы уничтожить следы геноцида

| Гісторыя

Беларусские прокуроры выдвинули новое «доказательство» того, что в Ченковском лесу (историческое название — Щёкотовский лес) расстреливали мирных жителей исключительно немцы.

Таямніцы заступніцы Палесся: стала вядома, што арыгінал Юравіцкага абраза з Гомельшчыны — не ў кракаўскім касцёле

| Гісторыя

Гомельскія вернікі прыбылі ў касцёл святой Барбары для малітвы аб спыненні вайсковай агрэсіі ля сапраўднага цудадзейнага абраза — аказалася, што яго там няма.

Як выглядалі сустрэчы на Партызанскай Крынічцы 50 год назад і сёння

| Гісторыя

Флагшток знайшоў старую стужку, дзе зафіксаваная сустрэча партызанаў каля помніка Партызанская Крынічка ў лесе каля Новабеліцы. Адсканаваўшы чорна белую стужку, мы пабачылі сціплае мерапрыемства і жывых сведкаў Другой сусветнай. Зараз жа мы прапануем паглядзець на ўнікальныя здымкі, і параўнаць іх з сённяшнім «пераадкрыццём» помніка.

Амаль як сто гадоў таму. Працяг віртуальнай прагулкі па зруйнаванай вуліцы Мільённай

| Гісторыя

Усе абъекты, якія прадстаўлены ніжэй перажылі Другую сусветную вайну, але былі знесеныя ў канцы 1970-х, абы нішто не замінала глядзець на будынак Абласнога камітэта Камуністычнай партыі. Пашанцавала толькі аднаму.